ചെന്നൈ: പ്രീമിയര്‍ ഫുട്‌സാല്‍ ലീഗില്‍ കൊച്ചി ഫൈവ്‌സ്- മുംബൈ ഫൈവ്‌സ് ഫൈനല്‍. മുന്‍ ബ്രസീല്‍ നായകന്‍ കഫുവിന്റെ നേതൃത്വത്തിലുള്ള ഗോവയെ ഒന്നിനെതിരേ രണ്ടു ഗോളുകള്‍ക്കു കീഴടക്കിയാണ് മുന്‍ സ്പാനിഷ് താരം മൈക്കിള്‍ സല്‍ഗാഡോയുടെ നേതൃത്വത്തിലിറങ്ങിയ കൊച്ചി ഫൈനലിലെത്തിയത്.
ഹെര്‍നാന്‍ ക്രെസ്‌പോയുടെ കൊല്‍ക്കത്തയെ തകര്‍ത്താണ് റയാന്‍ ഗിഗ്ഗ്‌സിന്റെ മുംബൈ കലാശപ്പോരാട്ടത്തിന് അര്‍ഹത നേടിയത്. രണ്ടിനെതിരേ നാലു ഗോളുകള്‍ക്കായിരുന്നു മുംബൈയുടെ ജയം.

കൊച്ചിക്കായി ചൊഗീഞ്ഞോ ഇരട്ട ഗോളുകള്‍ നേടി. വെംപറ്റയുടെ വകയായിരുന്നു ഗോവയുടെ ആശ്വാസ ഗോള്‍. ആന്‍ജലോട്ട് ഹാട്രിക്ക് ഗോളുമായി മുംബൈ നിരയില്‍ നിറഞ്ഞപ്പോള്‍ കെവിന്‍ റാമിറസ് ഒരു  ഗോള്‍ നേടി പട്ടിക പൂര്‍ത്തിയാക്കി. വാന്‍ഡര്‍ കാരിയോസ, ഗബ്രിയേല്‍ ഡി സില്‍വ എന്നിവരുടെ വകയായിരുന്നു കൊല്‍ക്കത്തയുടെ ഗോളുകള്‍.