കോട്ടയം: നവജീവന്‍ ട്രസ്റ്റിന്റെ 26-ാം വാര്‍ഷികാഘോഷങ്ങള്‍ക്ക് ഇന്ന് ആര്‍പ്പൂക്കര നവജീവന്‍ അങ്കണത്തില്‍ തിരിതെളിയും.
രാവിലെ ഒന്‍പതിന് കാരിസ്ഭവന്‍ ടീമിന്റെ നേതൃത്വത്തില്‍ വിശുദ്ധ കുര്‍ബാനയെത്തുടര്‍ന്ന് കാഞ്ഞിരപ്പള്ളി രൂപത സഹായമെത്രാന്‍ മാര്‍ ജോസ് പുളിക്കല്‍ വചനസന്ദേശം നല്‍കും. നവജീവന്‍ മാനേജിംഗ് ട്രസ്റ്റി പി.യു. തോമസ് ആമുഖസന്ദേശം നല്‍കും.
കോട്ടയം മെഡിക്കല്‍കോളജ് കിഡ്‌നി വിഭാഗം മേധാവി ഡോ. കെ.പി. ജയകുമാര്‍ കിഡ്‌നി രോഗവും ചികിത്സയും എന്ന വിഷയത്തെക്കുറിച്ചും ലിറ്റില്‍ ലൂര്‍ദ് ഹോസ്പിറ്റലിലെ സിസ്റ്റര്‍ ഡോ. മേരി മാര്‍സലസ് എസ്‌വിഎം ഗര്‍ഭസ്ഥ ശിശുവും ലോകനന്മയും എന്ന വിഷയത്തെക്കുറിച്ചും ക്ലാസ് നയിക്കും.