ലണ്ടന്‍: അമേരിക്കയിലെ മേജര്‍ സോക്കര്‍ ലീഗിലെ (എം.എല്‍.എസ്) ഡേവിഡ് ബെക്കാമിന്റെ ക്ലബിന്റെ പേര് പ്രഖ്യാ പിച്ചു. കഴിഞ്ഞ ദിവസമാണ് ക്ലബിന്റെ പേരും ലോഗോയും പുറത്തുവിട്ടത്. ഇന്റര്‍ മിയാമി എഫ്.സി എന്നാണ് ക്ലബിന് പേര് നല്‍കിയിരിക്കുന്നത്.
2020 മുതലാകും ബെക്കാമിന്റെ ടീമായ ഇന്റര്‍ മിയാമി എഫ്.സി എം.എല്‍.എസില്‍ കളിക്കുക. 2020 സീസണ് മുമ്പായി ടീമിന് ലീഗില്‍ ഇടം നല്‍കാം എന്നാണ് എം.എല്‍.എസ് പറഞ്ഞിട്ടുള്ളത്. നാല് വര്‍ഷം മുന്‍പേയാണ് ബെക്കാം ക്ലബിനായുള്ള നീക്കങ്ങള്‍ തുടങ്ങിയത്.
മിയാമി കേന്ദ്രീകരിച്ച് തുടങ്ങുന്ന ക്ലബിന് ഉടന്‍ സ്വന്തം സ്റ്റേഡിയവും പണിയും. എം. എല്‍. എസില്‍ കളിച്ചിരുന്ന സമയത്താണ് താരത്തിന് ലീഗില്‍ ക്ലബ് തുടങ്ങണമെന്ന ആഗ്രഹമുണ്ടായത്.