മക്ക: അടുത്ത മാസം നാല് മുതൽ പുനഃരാരംഭിക്കുന്ന ഉംറ തീർത്ഥാടനവും മദീന സിയാറയും സുഖമമാക്കാൻ സഊദി ഹജ്ജ് ഉംറ മന്ത്രാലയത്തിന്റെ 'ഇഅ്തമർനാ' മൊബൈൽ ആപ്ലിക്കേഷൻ പ്രവർത്തനം തുടങ്ങി. തീർത്ഥാടകർക്ക് വ്യക്തമായ മാർഗ്ഗ നിർദേശങ്ങൾ നൽകുന്ന പുതിയ ആപ്ലിക്കേഷൻ ഞായാറാഴ്ച മുതലാണ് ഐഒഎസിൽ ലഭ്യമായിത്തുടങ്ങിയത്. സഊദി അതോറിറ്റി ഫോർ ഡാറ്റ ആൻഡ് ആർട്ടിഫിഷ്യൽ ഇൻറലിജൻസിെൻറ (സദായ) സഹായത്തോടെ വികസിപ്പിച്ച ആപ്പ് വഴിയായിരിക്കും തീർത്ഥാടകർക്ക് ഉംറ തീർത്ഥാടനത്തിനും മദീന സിയാറത്തിനും പെർമിഷൻ ലഭ്യമാകലും സമയ ക്രമീകരണം ലഭിക്കുന്നതും. കൊവിഡ് മുക്തനാണെന്ന് ഉറപ്പുവരുത്തുന്നതിന് 'തവക്കൽനാ' ആപ്ലിക്കേഷനുമായിബന്ധിപ്പിച്ചായിരിക്കും "ഇഅ്തമർനാ" ആപ് പ്രവർത്തനം.

[caption id="attachment_891399" align="alignnone" width="283"] ഐഒഎസ് ആപ് സ്‌ക്രീൻ ഷോർട്ട്[/caption]

     ഉംറ തീർത്ഥാനടത്തിനുള്ള അനുമതി പത്രം, മക്ക ഹറം നിസ്‌കാരം, മദീന മസ്‌ജിദുന്നബവി നിസ്‌കാരം, വിടവാങ്ങൽ ത്വവാഫ്, ജബലുന്നൂർ സന്ദർശനം, മദീനയിലെ റൗദ സന്ദർശനം, മദീനയിലെ മസ്‌ജിദുൽ ഖുബാ, ഉഹ്ദ് സന്ദർശനം തുടങ്ങിയവക്കുള്ള അനുമതി പത്രങ്ങൾക്കുള്ള സംവിധാനങ്ങളാണ് ഇപ്പോൾ ആപ്പിൽ ഉൾപ്പെടുത്തിയിരിക്കുന്നത്. ആപ്പിൾ മൊബൈലുകളിൽ https://apps.apple.com/sa/app എന്ന ലിങ്കിൽ കയറി ആപ് ഡൗണ്ലോഡ് ചെയ്യാവുന്നതാണ്. കൊവിഡ് മഹാമാരി വ്യാപനം തടയുന്നതിനയെ ഭാഗമായി ഈ വർഷം ഫെബ്രുവരി 27ന് നിർത്തിവെച്ച ഉംറ തീർഥാടനവും മദീന സിയാറയും ഒക്ടോബർ നാലിന് പുനഃരാരംഭിക്കുമെന്ന് ആഭ്യന്തര മന്ത്രാലയം ഏതാനും ദിവസങ്ങൾക്ക് മുമ്പ് അറിയിച്ചിരുന്നു. തീര്ഥാടകനും സന്ദർശകനും കൊറോണ വൈറസിൽ നിന്ന് മുക്തനാണെന്ന് ഉറപ്പ് നൽകുന്നതുൾപ്പെടെ നിരവധി നടപടിക്രമങ്ങൾ ഉൾക്കൊള്ളുന്നതയായിരിക്കും ആപ്പ് എന്ന് ഹജ്ജ് ഉംറ മന്ത്രാലയം അറിയിച്ചു.

     ഉംറ തീർത്ഥാടനവും, മക്ക, മദീന സിയാറത്തും നാല് ഘട്ടങ്ങളായാണ് പുനഃരാരംഭിക്കുക. ആദ്യ ഘട്ടത്തിൽ 6000 പേർക്കും 18 നു തുടങ്ങുന്ന രണ്ടാം ഘട്ടത്തിൽ പതിനയ്യായിരം ഉംറ തീർത്ഥാടകരെയും നാൽപതിനായിരം ഹറം സന്ദര്ശകരേയും നവംബർ ഒന്നിന് ആരംഭിക്കുന്ന മൂന്നാം ഘട്ടത്തിൽ വിദേശ ഉംറ തീര്ഥാടകരെയുമാണ് അനുവദിക്കുക. നിലവിലെ പശ്ചാത്തലത്തിൽ ലഭ്യമായ തീയതികൾക്കനുസരിച്ച് തീർഥാടകന് ഉചിതമായ സമയവും മറ്റു സേവനങ്ങളും തെരഞ്ഞെടുക്കാനാകുമെന്നും അധികൃതർ അറിയിച്ചു. ഈ സമയ ക്രമീകരണം പാലിച്ചായിരിക്കണം തീർത്ഥാടകർ ഉംറയും സിയാറയും പൂർത്തീകരിക്കേണ്ടത്.

     ആദ്യ ഘട്ടത്തിൽ മൂന്ന് മണിക്കൂർ സമയമാണ് ഓരോ തീര്ഥാടകർക്കും അനുവദിക്കുക. ആയിരം പേരടങ്ങുന്ന ആറു സംഘങ്ങൾക്കാണ് ഓരോ ദിവസവും അനുമതി നൽകുകയെന്നും മൂന്ന് മണിക്കൂർ കൊണ്ട് ഉംറ തീർത്ഥാടനം പൂർണ്ണമായും പൂർത്തീകരിക്കണമെന്നതടക്കമുള്ള നിബന്ധനകളാണ് ഹജ്ജ് ഉംറ മന്ത്രാലയം പ്രഖ്യാപിക്കുകയെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്‌തു. ഇക്കഴിഞ്ഞ ഹജ്ജ് സമയത്തും ഇതേ മാർഗ്ഗമായിരുന്നു സ്വീകരിച്ചിരുന്നത്.