ന്യൂഡല്‍ഹി: പ്രസിദ്ധ ചിത്രകാരന്‍ സയ്യിദ് ഹൈദര്‍ റാസ (എസ്.എച്ച്. റാസ 94) അന്തരിച്ചു. ഇന്ത്യന്‍ ആധുനിക ചിത്രകലയിലെ പ്രമുഖനായ റാസയുടെ അന്ത്യം ഇന്നലെ രാവിലെ 11ന് ഡല്‍ഹിയിലായിരുന്നു.

വാര്‍ധക്യകാല അസുഖങ്ങളെ തുടര്‍ന്ന് ചികിത്സയിലായിരുന്നു.  ഇന്ത്യന്‍ ചിത്രകലാരംഗത്തെ പുരോഗമന രചനാ രീതികളിലേക്ക് നയിച്ച പ്രോഗ്രസീവ് ആര്‍ട്ടിസ്റ്റ് ഗ്രൂപ്പിന്റെ തുടക്കകാരനാണ് റാസ. 1922 ല്‍ മധ്യപ്രദേശിലാണ് ജനിച്ചത്. പത്മഭൂഷണും പത്മവിഭൂഷണും ലളിതകലാ അക്കാദമി വിശിഷ്ടാംഗത്വവും നല്‍കി രാജ്യം അദ്ദേഹത്തെ ആദരിച്ചിട്ടുണ്ട്.

സൗരാഷ്ട്ര എന്ന അദ്ദേഹത്തിന്റെ ചിത്രം16.42 കോടി രൂപക്കാണ് ലേലത്തില്‍ പോയത്. ദീര്‍ഘകാലം ഫ്രാന്‍സിലായിരുന്നു താമസിച്ചത്.