കല്‍പ്പറ്റ: തപാല്‍ വകുപ്പ് ദേശീയതലത്തില്‍ കത്തെഴുത്തുമത്സരം സംഘടിപ്പിക്കുന്നു.
രവീന്ദ്രനാഥ ടാഗോറിന്റെ അമര്‍ ദേശര്‍ മട്ടി എന്ന കൃതി ആസ്പദമാക്കി ലെറ്റര്‍ ടു മൈ മദര്‍ലാന്‍ഡ് എന്ന വിഷയത്തിലാണ് മത്സരം.
ഇംഗ്ലീഷ്, ഹിന്ദി, മറ്റു പ്രാദേശിക ഭാഷകളിലും കത്തുകളെഴുതാം. ചീഫ് പോസ്റ്റ്മാസ്റ്റര്‍ ജനറല്‍, കേരള സര്‍ക്കിള്‍, തിരുവനന്തപുരം695033 എന്ന വിലാസത്തില്‍ 30നു മുന്‍പായി കത്തുകള്‍ അയക്കണം. മത്സരത്തില്‍ എല്ലാ വിഭാഗമാളുകള്‍ക്കും പങ്കെടുക്കാം. പതിനെട്ടു വയസുവരെയുള്ളവര്‍ക്കും അതിനു മുകളില്‍ വയസുള്ളവര്‍ക്കും രണ്ടു വിഭാഗമായാണ് മത്സരം. വയസ് തെളിയിക്കുന്ന സര്‍ട്ടിഫിക്കറ്റിനൊടൊപ്പം സ്വന്തം കൈപ്പടയില്‍ വയസ് സാക്ഷ്യപ്പെടുത്തണം. ഇന്‍ലന്‍ഡ് ലെറ്റര്‍ കാര്‍ഡ്, എന്‍വലപ്പ് എന്നീ വിഭാഗത്തിലാണ് മത്സരം. ഇന്‍ലന്‍ഡ് ലെറ്റര്‍ കാര്‍ഡില്‍ പരമാവധി 500 വാക്കുകളും എഫോര്‍ പേപ്പറില്‍ ആയിരം വാക്കുകളും മാത്രമേ എഴുതാന്‍ പാടുള്ളു. ദേശീയ തലത്തില്‍ 50,000, 25,000, 10,000 രൂപ എന്നിങ്ങനെയാണ് സമ്മാനങ്ങള്‍. സര്‍ക്കിള്‍ തലത്തില്‍ 25,000, 10,000, 5000 എന്നിങ്ങനെയാണ് സമ്മാനം. കൂടുതല്‍ വിവരങ്ങള്‍ക്ക് 0495 2384770, 2386166, 2383020.