പാലക്കാട്:    പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി എലപ്പുള്ള ഗവ.എ.പി.എച്ച്.എസ്. സ്‌കൂള്‍ 6.95 കോടി ചെലവില്‍ അന്താരാഷ്ട്രാ നിലവാരത്തിലേയ്ക്ക് ഉയര്‍ത്തുന്നതിനുള്ള പ്രൊജകറ്റ്് റിപ്പോര്‍ട്ട് തയ്യാറായി. പഠനത്തിനും സ്‌പോര്‍ട്‌സിനുമുള്ള മികവിന്റെ കേന്ദ്രമാക്കി സ്‌കൂളിനെ മാറ്റുന്നതിന് 'കിറ്റ്‌കോ'യാണ് വിശദമായ പ്രൊജക്റ്റ് തയ്യാറാക്കി 'കിഫ്ബി' ക്ക് കൈമാറിയത്. കിഫ്ബിയില്‍ നിന്നും ലഭിക്കുന്ന അഞ്ച് ലക്ഷം കൂടാതെ ബാക്കിയുള്ള തുക പ്രാദേശികമായി സമാഹരിക്കും. വി.എസ്.അച്ചുതാനന്ദന്‍ എം.എല്‍.എ.യുടെ നിര്‍ദേശപ്രകാരമാണ് കിറ്റ്‌കോ യുദ്ധകാലാടിസ്ഥാനത്തില്‍ പ്രൊജക്റ്റ് റിപ്പോര്‍ട്ട് തയ്യാറാക്കി സമര്‍പ്പിച്ചത്. ആദ്യഘട്ടത്തില്‍ ഹയര്‍ സക്കന്‍ഡറി-ഹൈസ്‌കൂള്‍ വിഭാഗങ്ങള്‍ക്കായി  പുതിയ അക്കാദമിക് ബ്ലോക്ക് നിര്‍മാണം തുടങ്ങും. ക്ലാസ് റൂമുകള്‍, ലബോറട്ടറി, പെണ്‍കുട്ടികള്‍ക്കായി പ്രത്യേക മുറി , ടോയ്‌ലറ്റ്, അടുക്കള, ഭക്ഷണമുറി കൂടാതെ സ്‌കൂള്‍ മതിലും നിര്‍മിക്കും.