കൊണ്ടോട്ടി: കാറിന്റെ ബ്രേക്ക് ഓയില്‍ സിലിണ്ടറിനകത്ത് ഒളിപ്പിച്ച് കടത്തിയ1.050 കിലോ ഗ്രാം സ്വര്‍ണം പിടികൂടി. വയനാട് തൊണ്ടര്‍നാട് നിറവില്‍പുഴ രയരോത്ത് നൗഷാദില്‍ നിന്നാണ് സ്വര്‍ണം പിടിച്ചെടുത്തത്. വെള്ളിയാഴ്ച രാത്രി എയര്‍ഇന്ത്യ എക്‌സ്പ്രസ് വിമാനത്തില്‍ ബഹ്‌റൈനില്‍ നിന്നാണ് ഇയാള്‍ കരിപ്പൂരിലെത്തിയത്.
കസ്റ്റംസ് പരിശോധനയില്‍ സംശയം തോന്നി ബാഗ് തുറന്ന് പരിശോധിച്ചപ്പോഴാണ് ഇതിനകത്ത് കാറിന്റെ ബ്രേക്ക് ഓയില്‍ സിലിണ്ടറിനകത്ത് സ്വര്‍ണം നാലു കഷണങ്ങളായി ഒളിപ്പിച്ച നിലയില്‍ കണ്ടെത്തിയത്. സ്വര്‍ണത്തിന് 29.97ലക്ഷം രൂപവില വരും. ഇയാളെ ചോദ്യം ചെയ്തു വരികയാണ്. കരിപ്പൂരില്‍ ഇലക്ട്രോണിക്‌സിനുള്ളില്‍ സ്വര്‍ണം കടത്തുന്ന സംഭവം വര്‍ധിച്ചിരിക്കുകയാണ്.