തിരുവനന്തപുരം: ലയണ്‍സ് ക്ലബ് ഇന്റര്‍നാഷണല്‍ ഡിസ്ട്രിക്ടിന്റെ ശതാബ്ദി വര്‍ഷ ക്യാബിനറ്റ് ഭാരവാഹികളുടെ സ്ഥാനമേറ്റെടുക്കല്‍ ഇന്ന് വൈകിട്ട് ഗിരിദീപം കണ്‍വെന്‍ഷന്‍ സെന്ററില്‍ നടക്കും.  വൈകിട്ട് 3.30ന്   ഡിസ്ട്രിക്ട് ഗവര്‍ണര്‍ ലയണ്‍ സി.എ. അലക്‌സ് കുര്യാക്കോസ് അധ്യക്ഷനാകുന്ന  ചടങ്ങില്‍ ഭാരവാഹികള്‍ക്ക്  ലയണ്‍സ് മുന്‍ ഇന്റര്‍നാഷണല്‍ ഡയറക്ടര്‍ ലയണ്‍ എ.പി.സിംഗ് സ്ഥാനാരോഹണ പ്രതിജ്ഞ ചൊല്ലിക്കൊടുക്കും. ഉദ്ഘാടനവും പുതുതായി ലയണ്‍സ് പ്രസ്ഥാനത്തില്‍ ചേരുന്നവര്‍ക്ക് അംഗത്വം നല്‍കലും മുന്‍ ഇന്റര്‍നാഷണല്‍ ഡയറക്ടര്‍ ലയണ്‍ ഇ.ആര്‍ മുരുകന്‍ നിര്‍വ്വഹിക്കും. മജീഷ്യന്‍ ഗോപിനാഥ് മുതുകാടിനെ ചടങ്ങില്‍ ആദരിക്കും. വനിതാ വിഭാഗമായ ലയണ്‍സ് ഡിസ്ട്രിക്ടിന്റെയും കുട്ടികളുടെ വിഭാഗമായ ലിയോ ഡിസ്ട്രിക്ടിന്റെയും ഭാരവാഹികളുടെ സ്ഥാനാരോഹണവും ഇതോടനുബന്ധിച്ച് നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു.