കൊടുങ്ങല്ലൂര്‍: നഗരമധ്യത്തില്‍ പൊലിസ് സ്‌റ്റേഷനു വിളിപ്പാടകലെ പിടിച്ചുപറി. ഇതര സംസ്ഥാന തൊഴിലാളിയുടെ അയ്യായിരം രൂപയും മൊബൈല്‍ ഫോണും നഷ്ടപ്പെട്ടു. എറിയാട് താമസിക്കുന്ന അസം സ്വദേശി റാഷിദുല്‍ ഇസ്‌ലാമാണ് പിടിച്ചുപറിക്കിരയായത്.
കഴിഞ്ഞ രാത്രി ഏഴരയോടെയായിരുന്നു സംഭവം. വീട്ടിലേക്ക് പണമയക്കാനായി വടക്കെ നടയിലെ എസ്.ബി.ഐയുടെ സി.ഡി.എം കൗണ്ടറിലേക്ക് പോകും വഴിയായിരുന്നു സംഭവം. കോടതി വളവില്‍വച്ച് ബലമായി തടഞ്ഞുനിറുത്തിയ രണ്ടു പേര്‍ ചേര്‍ന്ന് പോക്കറ്റിലുണ്ടായിരുന്ന അയ്യായിരം രൂപയും മൊബൈല്‍ ഫോണും തട്ടിപ്പറിച്ചതായി റാഷിദുല്‍ ഇസ്‌ലാം പറഞ്ഞു. കൊടുങ്ങല്ലൂര്‍ പൊലിസില്‍ പരാതി നല്‍കിയിട്ടുണ്ട്.