മുക്കം: ജില്ലയില്‍ തന്നെ ഏറ്റവുമധികം വിദ്യാര്‍ഥികള്‍ പഠിക്കുന്ന കലാലയങ്ങളിലൊന്നായ കൊടിയത്തൂര്‍ പി.ടി.എം ഹയര്‍ സെക്കന്‍ഡറി സ്‌കൂളിലെ മുഴുവന്‍ ക്ലാസ് മുറികളിലും ലൈബ്രറിയായി.
സ്‌കൂളിലെ ഹൈസ്‌കൂള്‍ വിഭാഗത്തിലുള്ള 44 ക്ലാസ് മുറികളിലാണ് ലൈബ്രറി സജീകരിച്ചിരിക്കുന്നത്. ഓരോ ക്ലാസിലും നൂറില്‍ പരം പുസ്തകങ്ങളടക്കം 4,000 ത്തിലധികം പുസ്തകങ്ങള്‍ ഇന്ന് സ്‌കൂളിലുണ്ട്. ഈ അധ്യയന വര്‍ഷത്തോടെ പുസ്തകങ്ങളുടെ എണ്ണം പതിനായിരമാക്കാനാണ് സ്‌കൂള്‍ ലക്ഷ്യമിടുന്നത്.
ക്ലാസ് ലൈബ്രറിയുടെ ഉദ്ഘാടനം മുക്കം പ്രസ് ഫോറം പ്രസിഡന്റ് സി. ഫസല്‍ ബാബു നിര്‍വഹിച്ചു. പ്രധാനധ്യാപകന്‍ ജി. സുധീര്‍ അധ്യക്ഷനായി. സ്റ്റാഫ് സെക്രട്ടറി ഇ.ടി മജീദ്, കെ.വി നവാസ്, എം.പി മജീദ്, നിസാം കാരശ്ശേരി, പി.എസ് അജയ് സംസാരിച്ചു.
നേരത്തെ സംസ്ഥാന സര്‍ക്കാര്‍ പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി സ്‌കൂളില്‍ ലൈബ്രറി ശാക്തീകരണ പദ്ധതി നടപ്പാക്കിയിരുന്നു. ഡോ. എം.എന്‍ കാരശ്ശേരിയാണ് ലൈബ്രറി ശാക്തീകരണ പദ്ധതി ഉദ്ഘാടനം ചെയ്തത്.