കൊച്ചി: രാജ്യത്തെ ആദ്യ ലാന്‍ഡ് എക്‌സ്‌പോ ജൂലൈ ആദ്യവാരം കൊച്ചിയില്‍ നടക്കും. കോഴിക്കോട് ആസ്ഥാനമായി കഴിഞ്ഞ കാല്‍നൂറ്റാണ്ടായി റിയല്‍എസ്റ്റേറ്റ് രംഗത്ത് പ്രവര്‍ത്തിക്കുന്ന കാരാടന്‍ ലാന്‍ഡ്‌സ് കമ്പനിയുടെ നേതൃത്വത്തിലാണ് കാരാടന്‍ ലാന്‍ഡ്‌സ് എക്‌സ്‌പോ എന്ന ആശയം അവതരിപ്പിക്കുന്നത്. റിയല്‍ എസ്‌റ്റേറ്റ് മേഖലയിലെ വണ്‍ ടൈം സൊല്യൂഷന്‍ (ഒറ്റത്തവണ പരിഹാരം) എന്ന നിലയിലാണ് ഈ ആശയം അവതരിപ്പിക്കുന്നതെന്ന് കമ്പനി ചെയര്‍മാന്‍ കാരാടന്‍ സുലൈമാന്‍ വാര്‍ത്താസമ്മേളനത്തില്‍ പറഞ്ഞു.
ലാന്‍ഡ് എക്‌സ്‌പോയുടെ ലോഗോ പ്രകാശനവും കമ്പനി വെബ്‌സൈറ്റ് ലോഞ്ചും എട്ടിന് വൈകിട്ട് ഏഴിന് കൊച്ചി ലേ മെറിഡിയനില്‍ നടക്കും. കമ്പനി ഡയറക്ടര്‍മാരായ മുഹമ്മദ് സഫ്‌റാദ്, അഹമ്മദ് ഷെഫ്രിന്‍, മുഹമ്മദ് സുനീര്‍, ചീഫ് ഓപ്പറേറ്റിംഗ് ഓഫീസര്‍ രവീന്ദ്രന്‍ നായര്‍ പങ്കെടുത്തു.