ഹിദായ നഗര്‍: ദാറുല്‍ഹുദാ ഇസ്‌ലാമിക് സര്‍വകലാശാലയുടെ യു.ജി ഡിഗ്രി സെമസ്റ്റര്‍ പരീക്ഷയുടെയും സീനിയര്‍ സെക്കന്‍ഡറി, സെക്കന്‍ഡറി വാര്‍ഷിക പരീക്ഷയുടെയും ഫലം പ്രസിദ്ധീകരിച്ചു. വാഴ്‌സിറ്റിക്കു കീഴിലുള്ള ഫാത്വിമ സഹ്‌റാ വനിതാ കോളജ് ഫൈനല്‍ പരീക്ഷാ ഫലവും മമ്പുറം ഹിഫ്‌ളുല്‍ ഖുര്‍ആന്‍ കോളജ് പരീക്ഷാ ഫലവും പ്രസിദ്ധീകരിച്ചു.

ഡിഗ്രി പരീക്ഷയില്‍ കെ. മുഹമ്മദ് സ്വഫ്‌വാന്‍ (ദാറുല്‍ഹുദാ കാംപസ്) ഒന്നാം റാങ്ക് നേടി. എ.പി.കെ സൈനുല്‍ ആബിദ് (എം.ഐ.സി ദാറുല്‍ ഇര്‍ശാദ്, ചട്ടഞ്ചാല്‍), എം.ഡി ഇഹ്തിഷാമുല്ലാഹ് ശൈഖ് (ദാറുല്‍ഹുദാ നാഷനല്‍ ഇന്‍സ്റ്റിറ്റ്യൂട്ട്, നിക്‌സ്) എന്നിവര്‍ യഥാക്രമം രണ്ടും മൂന്നും റാങ്കുകള്‍ നേടി.
സീനിയര്‍ സെക്കന്‍ഡറി വാര്‍ഷിക പരീക്ഷയില്‍ എം.കെ മുഹമ്മദ് അശ്ഫാഖ് (മാലിക് ദീനാര്‍ അക്കാദമി, തളങ്കര) ഒന്നാം റാങ്ക് നേടി. പി. മുഹമ്മദ് സ്വഫ്‌വാന്‍ (സബീലുല്‍ ഹിദായ, പറപ്പൂര്‍) രണ്ടും എം.ഡി ഷഹീന്‍ഷാ മൊല്ല (ദാറുല്‍ഹുദാ വെസ്റ്റ് ബംഗാള്‍ കാംപസ്) മൂന്നും റാങ്കുകള്‍ നേടി.
സെക്കന്‍ഡറി ഫൈനല്‍ പരീക്ഷയില്‍ മലയാളം മീഡിയം വിഭാഗത്തില്‍ ബി. മുഹമ്മദ് അദ്‌നാന്‍ (ദാറുല്‍ഫലാഹ്, തളിപ്പറമ്പ്), ഇ.എ മുഹമ്മദ് അജ്മല്‍ (എം.ഐ.സി ദാറുല്‍ ഇര്‍ശാദ്, ഉദുമ), എ.പി മുഹമ്മദ് റബീഅ് (ദാറുസ്സലാം അക്കാദമി, തലശേരി) എന്നിവര്‍ യഥാക്രമം ഒന്നും രണ്ടും മൂന്നും റാങ്കുകള്‍ നേടി.

ഉര്‍ദു മീഡിയം (നിക്‌സ്) വിഭാഗത്തില്‍ അസീസുറഹ്മാന്‍, ജെഹ്‌റുല്‍ബുയാന്‍, അബൂ സഈദ് അലി (മൂവരും ദാറുല്‍ഹുദാ അസം കാംപസ്) യഥാക്രമം ഒന്നും രണ്ടും മൂന്നും റാങ്കുകള്‍ നേടി.
വാഴ്‌സിറ്റിയുടെ ഫത്വിമാ സഹ്‌റാ വനിതാ കോളജിലെ ഫൈനല്‍ പരീക്ഷയില്‍ എം.പി ഷഫ്‌നാ തസ്‌നീം ഒന്നും പി. മര്‍യം സുഫൈറ രണ്ടും ബി.എ ആഇശ മൂന്നും റാങ്കുകള്‍ നേടി. മമ്പുറം ഖുഥ്ബുസ്സമാന്‍ ഹിഫ്‌ളുല്‍ ഖുര്‍ആന്‍ കോളജിലെ ഫൈനല്‍ പരീക്ഷയില്‍ സയ്യിദ് സദീദ്, സയ്യിദ് അസ്‌ലഹ്, മുഹമ്മദ് അമീന്‍ എന്നിവര്‍ യഥാക്രമം ഒന്നും രണ്ടും മൂന്നും റാങ്കുകള്‍ നേടി. സപ്ലിമെന്ററി പരീക്ഷ മെയ് 19 മുതല്‍ വിവിധ കേന്ദ്രങ്ങളില്‍ നടക്കും. വിശദമായ പരീക്ഷാഫലം വാഴ്‌സിറ്റിയുടെ വെബ്‌സൈറ്റില്‍ ലഭ്യമാണ്.