മാനന്തവാടി: എടവക പഞ്ചായത്ത്, ചേമ്പിലോട് ഗവ. എല്‍.പി സ്‌കൂള്‍ എന്നിവയുടെ സഹകരണത്തോടെ ചെറുവയല്‍, കാരക്കുനി, കുന്നമംഗലം ഗോത്രവര്‍ഗ കോളനികളിലെ എല്‍.പി, യു.പി വിഭാഗം വിദ്യാര്‍ഥികള്‍ക്കായി കണ്ണൂര്‍ സര്‍വകലാശാല മാനന്തവാടി ക്യാംപസിലെ ബി.എഡ് സെന്ററില്‍ പഠന വീട് ഒരുങ്ങുന്നു.
വിദ്യാലയങ്ങളിലെ പഠന ബോധന പ്രവര്‍ത്തനങ്ങള്‍ക്ക് അക്കാദമിക് പിന്തുണ നല്‍കുക ബി.എഡ് വിദ്യാര്‍ഥികളായിരിക്കും. ഭാഷ, ശാസ്ത്രം, ഗണിതം എന്നിവയിലെ പരിശീലനത്തിനൊപ്പം കലാകായിക പരിശീലനവും യാത്രകള്‍, സിനിമാ പ്രദര്‍ശനങ്ങള്‍, പാഠശാലകള്‍ എന്നിവയും പഠനവീട്ടില്‍ ഒരുക്കും. വിവിധ മേഖലകളില്‍ മികവ് തെളിയിച്ചവരെയും പൂര്‍വ വിദ്യാര്‍ഥികളെയും പഠനവീടില്‍ പങ്കെടുപ്പിക്കും. ഇന്ന് വൈകുന്നേരം 4.30ന് പഠന വീടിന് തുടക്കമാവും. എല്ലാ ദിവസവും വൈകുന്നേരം 4.30 മുതല്‍ 6.30 വരെയാണ് പഠന വീട്.