ഗൂഡല്ലൂര്‍: പന്തല്ലൂര്‍ കൂമൂലയില്‍ റേഷന്‍കട സ്ഥിരമായി പ്രവര്‍ത്തിക്കുന്നില്ലെന്ന് പരാതി. ശനി, ചൊവ്വ ദിവസങ്ങളില്‍ മാത്രമാണ് ഈ റേഷന്‍കട പ്രവര്‍ത്തിച്ചിരുന്നത്.
എന്നാല്‍ ഈ രണ്ട് ദിവസം പോലും ഇപ്പോള്‍ പ്രവര്‍ത്തിക്കുന്നില്ല. 500 കുടുംബങ്ങള്‍ താമസിക്കുന്ന ഈ ഗ്രാമത്തിലെ ജനങ്ങള്‍ ഇതുവരെ രണ്ട് കിലോമീറ്റര്‍ അകലെയുള്ള പന്തല്ലൂരിലെ റേഷന്‍ കടയെയായിരുന്നു ആശ്രയിച്ചിരുന്നത്. എന്നാല്‍ ജനങ്ങളുടെ പരാതിയുടെ അടിസ്ഥാനത്തില്‍ ആഴ്ചയില്‍ രണ്ട് ദിവസം പ്രവര്‍ത്തിക്കുന്ന റേഷന്‍കട കഴിഞ്ഞ മാസം പ്രവര്‍ത്തനം ആരംഭിച്ചിരുന്നു. എന്നാല്‍ ഇപ്പോള്‍ ജീവനക്കാര്‍ക്ക് തോന്നിയത് പോലെയാണ് റേഷന്‍കട പ്രവര്‍ത്തിക്കുന്നതെന്നാണ് ജനങ്ങള്‍ ആരോപിക്കുന്നത്.