കണ്ണൂര്‍: മതേതരത്വവും വിശ്വമാനവിക ചിന്താധാരകളും രാജ്യത്ത് നിലനിര്‍ത്താന്‍ കോണ്‍ഗ്രസ് ശക്തിപ്പെടേണ്ടത് ആവശ്യമാണെന്ന് ഡി.സി.സി പ്രസിഡന്റ് സതീശന്‍ പാച്ചേനി. കോണ്‍ഗ്രസ് മെമ്പര്‍ഷിപ്പ് പ്രചരണ പരിപാടിയുടെ ജില്ലാതല ഉദ്ഘാടനം നിര്‍വഹിക്കുകയായിരുന്നു അദ്ദേഹം. ഡി.സി.സി ഓഫിസില്‍ നടന്ന ചടങ്ങില്‍ കന്റോണ്‍മെന്റ് ബോര്‍ഡ് മെമ്പര്‍ കേണല്‍ പത്മനാഭന് മെമ്പര്‍ഷിപ് നല്‍കിയാണ് ഉദ്ഘാടനം ചെയ്തത്. കെ.പി.സി.സി ജനറല്‍ സെക്രട്ടറി പി രാമകൃഷ്ണന്‍, സുമാ ബാലകൃഷ്ണന്‍, ദേശീയ സെക്രട്ടറി കെ സുരേന്ദ്രന്‍, എം.പി മുരളി, എം.പി വേലായുധന്‍, ബിജുഉമ്മര്‍, ടി. ജയകൃഷ്ണന്‍, സി.ടി ഗിരിജ, സുധീഷ് മുണ്ടേരി, മനോഹരന്‍ താളിക്കാവ്, അഡ്വ.ലിഷ, ദീപക്, ഒ. രാധ സംബന്ധിച്ചു.