പഴയങ്ങാടി: കല്യാശ്ശേരി മണ്ഡലത്തില്‍ മുഴുവന്‍ വിദ്യാലയങ്ങളിലും അക്ഷരക്കനി നട്ട് അധ്യയന വര്‍ഷം ആരംഭിക്കും. സമഗ്ര വിദ്യാഭ്യാസ പദ്ധതിയുടെ ഭാഗമായി മാടായി ഗവ. ബോയ്‌സ് ഹയര്‍ സെക്കന്‍ഡറി സ്‌കൂളില്‍ ചേര്‍ന്ന മണ്ഡലത്തിലെ പ്രധാനധ്യാപകരുടെയും പി.ടി.എ ഭാരവാഹികളുടെയും യോഗത്തിലാണ് തീരുമാനം.
മുഴുവന്‍ വിദ്യാലയങ്ങളിലും ജനകീയ പങ്കാളിത്തത്തോടെയാണ് പ്രവേശനോത്സവം സംഘടിപ്പിക്കുക. യോഗത്തില്‍ ടി. സുകുമാരന്‍ അധ്യക്ഷനായി. ടി.വി രാജേഷ് എം.എല്‍.എ പദ്ധതി വിശദീകരിച്ചു. പി. നാരായണന്‍കുട്ടി.
ബി.പി.ഒമാരായ രാജേഷ് കടന്നപ്പള്ളി, എ.വി പാര്‍ഥസാരഥി, കെ.വി ചന്ദ്രന്‍, പി.കെ വിശ്വനാഥന്‍ സംസാരിച്ചു.