മീനങ്ങാടി: കേരള സ്‌റ്റേറ്റ് ഹയര്‍ ഗുഡ്‌സ് ഓണേഴ്‌സ് അസോസിയേഷന്‍ ജില്ലാ സമ്മേളനം സമാപിച്ചു. ജില്ലയിലെ പന്തല്‍, ഡെക്കറേഷന്‍, ലൈറ്റ് ആന്റ് സൗണ്ട് തുടങ്ങിയവ വാടകക്ക് നല്‍കുന്നവരുടെ സംഘടനയുടെ മൂന്നാമത് ജില്ലാ സമ്മേളനമാണ് മീനങ്ങാടിയില്‍ രണ്ട് ദിവസമായി നടന്നത്. പ്രതിനിധി സമ്മേളനം അസോസിയേഷന്‍ സംസ്ഥാന ജനറല്‍ സെക്രട്ടറി ഷംസുദ്ദീന്‍ ഉദ്ഘാടനം ചെയ്തു. 27 അംഗ ജില്ലാ കമ്മിറ്റിയെ തെരഞ്ഞെടുത്തു. ജോര്‍ജ് മീനങ്ങാടി(പ്രസി), ഷറഫുദ്ദീന്‍ കമ്പളക്കാട്(ജ.സെക്ര), രാജു കാക്കവയല്‍(ട്രഷ) എന്നിവരുടെ നേതൃത്വത്തിലുള്ള 27 അംഗ ജില്ലാ കമ്മിറ്റിയെയാണ് പുതുതായി തെരഞ്ഞെടുത്തത്. പൊതു സമ്മേളനം ഐ.സി ബാലകൃഷ്ണന്‍ എം.എല്‍.എ ഉദ്ഘാടനം ചെയ്തു. സി.കെ ശശീന്ദ്രന്‍ എം.എല്‍.എ അസോസിയേഷന്റെ ജില്ലാ, സംസ്ഥാന നേതാക്കളും സംസാരിച്ചു.