ന്യൂഡല്‍ഹി: ഇന്ധന വില ഒരു നിയന്ത്രണവുമില്ലാതെ കുതിച്ചുയരുന്നതില്‍ പ്രതിഷേധിച്ച് തിങ്കളാഴ്ച ഭാരത ബന്ദിന് ആഹ്വാനം. കോണ്‍ഗ്രസ് ആഹ്വാനം ചെയ്ത ബന്ദിന് ബി.എസ്.പി ഒഴികെയുള്ള പ്രതിപക്ഷ കക്ഷികള്‍ പിന്തുണ പ്രഖ്യാപിച്ചു. രാവിലെ ഒന്‍പതു മണി മുതല്‍ വൈകിട്ട് മൂന്നു മണി വരെയാണ് ബന്ദ്.

അന്നേ ദിവസം രാജ്യത്തെ എല്ലാ പെട്രോള്‍ പമ്പുകളിലും പ്രതിഷേധ ധര്‍ണ്ണയും സംഘടിപ്പിക്കും.

അതിനിടെ, ഇന്ന് മാത്രം പെട്രോള്‍ ലിറ്ററിന് 21 പൈസയും, ഡീസല്‍ വില 22 പൈസയും കൂടി. അഞ്ചുമാസത്തിനിടെ രാജ്യത്ത് പെട്രോളിന് 6.50 രൂപയും ഡീസലിന് 4.70 രൂപയുമാണ് വര്‍ധിച്ചത്. ഇതര പെട്രോളിയം ഉല്‍പ്പന്നങ്ങളായ എല്‍.പി.ജി, പി.എന്‍.ജി, സി.എന്‍.ജി എന്നിവയുടെ വിലയും ക്രമാതീതമായി ഉയര്‍ന്നു.