പരപ്പനങ്ങാടി: നെടുവ പച്ചരിപ്പാടം കുറ്റിലപ്പാടത്ത് വലിയ ശബ്ദത്തോടെ വയല്‍ വിണ്ടു കീറി ഗര്‍ത്തം രൂപം കൊണ്ടത് പ്രദേശവാസികളില്‍ പരിഭ്രാന്തി പരത്തി. വെള്ളിയാഴ്ച രാത്രി പത്ത് മണിയോടെയാണ്  വലിയ വിറയലോടെയും  അതിലേറെ ശബ്ദത്തോടെയും  വയല്‍ വിണ്ടുകീറിയത്. ഭൂചലനമാണെന്ന് സംശയിച്ചു പ്രദേശവാസികള്‍ വീടുവിട്ടിറങ്ങിയതും ആശങ്കക്കിടയാക്കി.  അത്യുഷ്ണത്തില്‍ താപനിലയില്‍ ഉണ്ടാകുന്ന വന്‍ വ്യതിയാനമാണ് ഇത്തരം സംഭവങ്ങള്‍ക്ക് പിന്നില്‍ ഉണ്ടാകുന്നതെന്നാണ്  കാര്‍ഷിക രംഗത്തെ വിദഗ്ധര്‍ അഭിപ്രായപ്പെടുന്നത്.