റിയാദ്: ജിദ്ദ-കൊച്ചി വിമാന സര്‍വിസ് സമയത്തില്‍ മാറ്റമുള്ളതായി എയര്‍ ഇന്ത്യ. പതിനേഴിന് രാത്രി ജിദ്ദയില്‍ നിന്ന് പുറപ്പെടേണ്ട എയര്‍ ഇന്ത്യ വിമാന സര്‍വിസിലാണ് ഒന്നിലധികം തവണ അറിയിപ്പുകളുമായി എയര്‍ ഇന്ത്യ രംഗത്തെത്തിയത്. പുതിയ സമയക്രമപ്രകാരം പതിനേഴിന് രാത്രി 11:15 ന് ജിദ്ദയില്‍ നിന്ന് പുറപ്പെട്ട് പതിനെട്ടിന് രാവിലെ 07:05ന് കൊച്ചിയില്‍ ഇറങ്ങുന്ന എ.ഐ 964 ജിദ്ദ-കൊച്ചി വിമാനം മൂന്നര മണിക്കൂര്‍ വൈകി പതിനെട്ടിന് പുലര്‍ച്ചെ 02:45 പുറപ്പെട്ട് 10:35ന് കൊച്ചിയില്‍ എത്തിച്ചേരുമെന്നാണ് എയര്‍ ഇന്ത്യ ട്രാവല്‍ ഏജന്‍സികള്‍ക്ക് നല്‍കിയ വിവരം. നേരത്തെ ഇതേ സര്‍വിസ് തൊട്ടടുത്ത ദിവസത്തേക്ക് മാറ്റിയതായി അറിയിപ്പ് നല്‍കിയ ശേഷം, പിന്നീട് വിമാനം ആദ്യം ഷെഡ്യൂള്‍ ചെയ്തത് പ്രകാരം സര്‍വിസ് നടത്തുമെന്നാണ് അറിയിപ്പ് നല്‍കിയിരിക്കുന്നത്.