റിയാദ്: സഊദിയില്‍ പരിശീലനത്തിലേര്‍പ്പെട്ട സൈനിക ഹെലികോപ്റ്റര്‍ തകര്‍ന്നു അമേരിക്കന്‍ പരിശീലകന്‍ കൊല്ലപ്പെട്ടു. പരിശീലനത്തിന്റെ ഭാഗമായി സഊദി നാഷനല്‍ ഗാര്‍ഡുമായി ചേര്‍ന്ന് നടത്തിയ പതിവ് പറക്കലിനിടെ റിയാദിലാണ് അപകടം. അമേരിക്കന്‍ പരിശീലക സംഘത്തിലെ പോള്‍ റീഡിയാണ് അപകടത്തില്‍ മരിച്ചതെന്നു സഊദി സ്‌റ്റേറ്റ് മീഡിയ പുറത്തു വിട്ട റിപ്പോര്‍ട്ടില്‍ അറിയിച്ചു. അപകടത്തില്‍ പരിശീലനത്തിലേര്‍പ്പെട്ട സഊദി പൈലറ്റ് പരുക്കുകളോടെ രക്ഷപ്പെട്ടു. സഊദി തലസ്ഥാന നഗരിയായ റിയാദിലെ കിഴക്കന്‍ മേഖലയിലെ അല്‍ ഖാഷിം അലന്‍ വിമാനത്താവളത്തില്‍ ഹെലികോപ്റ്റര്‍ ഇനത്തില്‍പെട്ട ബോയിങ് എ.എച്ച്-6 ഐ ചെറു വിമാനമാണ് തകര്‍ന്നത്.