കൊടുവള്ളി: സ്വര്‍ണക്കടത്ത് കേസുമായി ബന്ധപ്പെട്ട് കസ്റ്റംസ് കസ്റ്റഡിയിലെടുത്ത കൊടുവള്ളി നഗരസഭയിലെ ഇടത് സ്വതന്ത്ര കൗണ്‍സിലര്‍ കാരാട്ട് ഫൈസലിനെ സംരക്ഷിക്കുന്ന സി.പി.എം.നിലപാടിനെതിരെ കൊടുവള്ളി നഗരസഭ മുസ് ലിം ലീഗ് കമ്മിററിയുടെ നേതൃത്വത്തില്‍ സി.പി.എം.കൊടുവള്ളി ലോക്കല്‍ കമ്മിററി ഓഫീസിലേക്ക് മാര്‍ച്ച് നടത്തി.

മാര്‍ച്ച് സി.പി.എം. ഓഫീസ് പരിസരത്ത് കൊടുവള്ളി സി.ഐ.പി.ചന്ദ്രമോഹന്റെ നേതൃത്വത്തിലുള്ള പൊലിസ് സംഘം തടഞ്ഞു.തുടര്‍ന്ന് നടന്ന പ്രതിഷേധ യോഗം നഗരസഭ ഡെപ്യൂട്ടി ചെയര്‍പേഴ്‌സണ്‍ എ.പി.മജീദ് ഉദ്ഘാടനം ചെയ്തു. കെ.കെ.എ. കാദര്‍ അധ്യക്ഷനായി. ചെയര്‍പേഴ്‌സണ്‍ ഷരീഫ കണ്ണാടിപ്പൊയില്‍, വി.കെ.അബ്ദുഹാജി, ടി.മൊയ്തീന്‍കോയ, എം.നസീഫ്, വെള്ളറ അബ്ദു എന്നിവര്‍ സംസാരിച്ചു.