ന്യൂഡല്‍ഹി: ചാമ്പ്യന്‍സ് ട്രോഫിയില്‍ ഇന്ത്യയുടെ പങ്കാളിത്തം സംബന്ധിച്ച ആശങ്കകള്‍ക്ക് വിരാമം.  ടീമിന്റെ പങ്കാളിത്തത്തിന് ബി.സി.സി.ഐ അനുമതി നല്‍കി. ഇന്ന് ചേര്‍ന്ന പ്രത്യേക യോഗമാണ് ഇതുസംബന്ധിച്ച തീരുമാനം കൈകൊണ്ടത്.

ഐ.സി.സി.യുടെ സാമ്പത്തിക- പരിഷ്‌കരണങ്ങളില്‍ തിരിച്ചടിയേറ്റതാണ് ചാമ്പ്യന്‍സ് ട്രോഫിയടക്കമുള്ള രാജ്യാന്തര ക്രിക്കറ്റില്‍ നിന്ന് പിന്‍വാങ്ങാന്‍ ബി.സി.സി.എ തീരുമാനത്തിന് കാരണം.  എന്നാല്‍ ക്രിക്കറ്റിന് മുന്‍ഗണന നല്‍കണമെന്നും എത്രയും പെട്ടെന്ന് ടീമിനെ പ്രഖ്യാപിക്കണമെന്നും സുപ്രീംകോടതി നിയോഗിച്ച പ്രത്യേക സമിതി ബി.സി.സി.ഐക്ക് അന്ത്യശാസനം നല്‍കി. ഇതോടെ ടൂര്‍ണമെന്റില്‍ പങ്കെടുക്കുക എന്ന തീരുമാനത്തിലെത്താന്‍ ബി.സി.സി.ഐ നിര്‍ബന്ധിതരാവുകയായിരുന്നു.

 ടീം പ്രഖ്യാപനം തിങ്കളാഴ്ച നടക്കാനാണ് സാധ്യത.