ലഖ്‌നൗ: വാരണാസിയിലുള്ള വോട്ടര്‍മാരെ പുറത്തുനിന്നെത്തുന്ന ചിലര്‍ ഭീഷണിപ്പെടുത്തുകയാണെന്ന് ബി.എസ്.പി അധ്യക്ഷ മായാവതി. പ്രധാനമന്ത്രി മോദിയെ ജയിപ്പിക്കുന്നതിനുവേണ്ടിയാണ് ഇത്തരത്തിലുള്ള ഭീഷണിയെന്നും അവര്‍ ആരോപിച്ചു.
തെരഞ്ഞെടുപ്പ് കമ്മിഷനെതിരേയും അവര്‍ ആരോപണം ഉന്നയിച്ചു. ബംഗാളിന്റെ കാര്യത്തിലെന്നപോലെ എന്തുകൊണ്ട് വാരണാസിയുടെ കാര്യത്തിലും തെരഞ്ഞെടുപ്പ് കമ്മിഷന്‍ ജാഗ്രത കാണിക്കുന്നില്ലെന്നും മായാവതി ചോദിച്ചു.
ട്വിറ്ററിലും മായാവതി ഇതേ രീതിയിലുള്ള ആരോപണം ഉന്നയിച്ചിട്ടുണ്ട്. നാളെയാണ് വാരണാസിയില്‍ തെരഞ്ഞെടുപ്പ് നടക്കുന്നത്.