ലോസ് ആഞ്ചലസ്: കാലിഫോര്‍ണിയയില്‍ പരിശീലനം നടത്തുകയായിരുന്ന യുദ്ധവിമാനം കെട്ടിടത്തിലിടിച്ചു. സൈന്യത്തിന്റെ എഫ്-16 വിമാനമാണ് വ്യോമസേന റിസര്‍വ് താവളത്തിനു പുറത്തെ ഗോഡൗണിന്റെ കെട്ടിടത്തിലിടിച്ചത്. എന്നാല്‍ പൈലറ്റ് അത്ഭുതകരമായി രക്ഷപ്പെട്ടു. അപകടസ്ഥലത്തുണ്ടായിരുന്ന അഞ്ചുപേര്‍ക്ക് പരുക്കേറ്റതായി സൈനിക ഉദ്യോഗസ്ഥര്‍ അറിയിച്ചു.
ഉത്തര അമേരിക്കന്‍ വ്യോമതാവള പ്രതിരോധ കമാന്റിനു വേണ്ടി പരിശീലനം നടത്തുകയായിരുന്നു വിമാനം. കെട്ടിടത്തില്‍നിന്ന് തീയുയര്‍ന്നതായും മേല്‍ക്കൂരയില്‍ ദ്വാരം വീണതായും അഗ്നിശമനസേന അറിയിച്ചു. ഉച്ചയ്ക്ക് 3.30നായിരുന്നു സംഭവം.