തൊടുപുഴ:  തൊടുപുഴ ഈസ്‌റ്റേണ്‍ ഗ്രൗണ്ടില്‍  17 ദിവസമായി നടന്നുവന്ന കാഡ്‌സ് ഗ്രീന്‍ ഫെസ്റ്റിന് സമാപനം. സമാപന സമ്മേളനം ജില്ലാ പഞ്ചായത്ത് പ്രസിഡന്റ് കൊച്ചുത്രേസ്യ പൗലോസ് ഉദ്ഘാടനം ചെയ്തു. ഈ വര്‍ഷത്തെ കാഡ്‌സ് ജൈവശ്രീ അവാര്‍ഡിന് അര്‍ഹനായ വി .ഐ ദിവാകരന് അവാര്‍ഡും സമ്മാനിച്ചു.
കാഡ്‌സ് പ്രസിഡന്റ് ആന്റണി കണ്ടിരിക്കല്‍ അധ്യക്ഷനായി.  വിജിലന്‍സ് ആന്‍ഡ് ആന്റി കറപ്ഷന്‍ വിങ് ആന്റണി കണ്ടിരിക്കലിനെ ഉപഹാരങ്ങള്‍ നല്‍കി  അനുമോദിച്ചു.
ടെല്‍ക് ഡയറക്ടര്‍ കെ. എം. എ ഷുക്കൂര്‍, റൂറല്‍ ഡവലപ്‌മെന്റ് ബാങ്ക് പ്രസിഡന്റ് സുരേഷ് ബാബു, കേരള ഹോട്ടല്‍ ആന്റ് റസ്‌റ്റോറന്റ് അസോസിയേഷന്‍ ജില്ലാ പ്രസിഡന്റ് എം .എന്‍. ബാബു, മുന്‍ ജില്ലാ പഞ്ചായത്ത് വൈസ് പ്രസിഡന്റ് പ്രൊഫ. ജോസഫ് അഗസ്റ്റിന്‍, ഗാന്ധിജി സ്റ്റഡി സെന്റര്‍ സെക്രട്ടറി മത്തച്ചന്‍ പുരയ്ക്കല്‍, തൊടുപുഴ ഫിലിം സൊസൈറ്റി സെക്രട്ടറി എം. മഞ്ജുഹാസന്‍, ഉപാസന സെക്രട്ടറി എം. വി ജോണ്‍, ദേശീയ കര്‍ഷക അവാര്‍ഡ് ജേതാവ് ജോസി കൊച്ചുകുടി, എം. എന്‍. ജയചന്ദ്രന്‍, ഫിലിപ്പ് ചേരിയില്‍ തുടങ്ങിയവര്‍ സംസാരിച്ചു.