ന്യൂഡല്‍ഹി: ആദ്യമായി നടത്തിയ പത്രസമ്മേളനത്തില്‍ ഒരു ചോദ്യത്തിനും മറുപടി നല്‍കാതിരുന്ന നരേന്ദ്രമോദിക്ക് രാഹുലിന്റെ പരിഹാസം. പത്രസമ്മേളനത്തില്‍ വന്നിരിക്കുന്നത് തന്നെ പാതി വിജയമാണെന്നും അടുത്ത തവണ അമിത്ഷാ താങ്കള്‍ക്ക് ചോദ്യങ്ങള്‍ക്ക് മറുപടി പറയാന്‍ അവസരം നല്‍കുമെന്ന് പ്രതീക്ഷിക്കുന്നതായും രാഹുല്‍ ട്വിറ്ററില്‍ കുറിച്ചു.
നേരത്തെ പത്രസമ്മേളനത്തിലും രാഹുല്‍ മോദിയെ പരിഹസിച്ചു. ചോദ്യങ്ങള്‍ പേടിച്ച് ചില പത്രക്കാര്‍ അകത്തു കയറാതിരിക്കാന്‍ ബി.ജെ.പി ആസ്ഥാനത്തിന്റെ വാതിലടച്ചുവെന്ന് രാഹുല്‍ പറഞ്ഞു. തെരഞ്ഞെടുപ്പ് ഫലം വരാന്‍ നാലോ അഞ്ചോ ദിവസം മാത്രം ബാക്കിയുള്ളപ്പോഴാണ് പ്രധാനമന്ത്രിയുടെ ആദ്യത്തെ വാര്‍ത്താസമ്മേളനം.
റാഫേല്‍ കരാറില്‍ സംവാദത്തിന് എന്തുകൊണ്ടാണ് തയാറാകുന്നില്ലെന്നും രാഹുല്‍ ചോദിച്ചു.