ലണ്ടന്‍: അടുത്ത മാസം ഇംഗ്ലണ്ടില്‍ നടക്കുന്ന ലോകകപ്പ് ക്രിക്കറ്റിലെ ചാംപ്യന്‍മാരെ കാത്തിരിക്കുന്നത് കോടികള്‍. കഴിഞ്ഞ ദിവസമാണ് ടൂര്‍ണമെന്റില്‍ ചാംപ്യന്‍മാരാകുന്നവര്‍ക്കും മറ്റുമുള്ള സമ്മാനത്തുക ബി.സി.സി.ഐ പുറത്തുവിട്ടത്. 26 കോടിയാണ് വിജയികള്‍ക്കുള്ള കാഷ് പ്രൈസായി ഐ.സി.സി പ്രഖ്യാപിച്ചിരിക്കുന്നത്.

ലോകകപ്പിന്റെ ചരിത്രത്തില്‍ തന്നെ ആദ്യമായാണ് ജേതാക്കള്‍ക്ക് ഇത്രയും വലിയ സമ്മാനത്തുക നല്‍കുന്നത്. ടൂര്‍ണമെന്റിന്റെ ആകെ സമ്മാനത്തുക 10 മില്ല്യണ്‍ ഡോളറാണ് (70,31,80,000 രൂപ). റണ്ണറപ്പാവുന്ന ടീമിന് ര@ണ്ടു മില്ല്യണ്‍ ഡോളറാണ് ലഭിക്കുക (14,06,76,000 രൂപ). സെമി ഫൈനലില്‍ പരാജയപ്പെടുന്ന രണ്ട@ു ടീമുകള്‍ക്കും എട്ടു ലക്ഷം ഡോളര്‍ (56,27,0400 രൂപ) വീതവും ലഭിക്കും.

46 ദിവസം നീണ്ട@ു നില്‍ക്കുന്ന ലോകകപ്പ് 11 വേദികളിലായിട്ടാണ് നടക്കുന്നത്. സെമി ഫൈനല്‍ പോരാട്ടങ്ങള്‍ ഇംഗ്ല@ണ്ടിലെ ഗ്ലാമര്‍ ഫുട്‌ബോള്‍ ക്ലബ്ബായ മാഞ്ചസ്റ്റര്‍ യുനൈറ്റഡിന്റെ ഹോം ഗ്രൗ@ണ്ടായ ഓള്‍ഡ് ട്രാഫോര്‍ഡിലും എഡ്ബാസ്റ്റണിലെ ബര്‍മിങ്ഹാമിലുമാണ്. ജൂലൈ 9, 11 തിയതികളിലായിരിക്കും സെമി ഫൈനലുകള്‍. മെയ് 30ന് ആരംഭിക്കുന്ന ചാംപ്യന്‍ഷിപ്പിന് ജൂലൈ 14ന് ലോര്‍ഡ്‌സില്‍ അവസാനിക്കും.