വടക്കാഞ്ചേരി: മേലേ വെട്ടിക്കാട്ടിരി താഴപ്ര റോഡില്‍ നിര്‍മിച്ച ബദരിയ മദ്‌റസയുടെ ഉദ്ഘാടനവും ദുആ സമ്മേളനവും നടന്നു. സമസ്ത മുശാവറ അംഗം ശൈഖുന ചെറുവാളൂര്‍ ഹൈദ്രോസ് മുസ്‌ലിയാര്‍ ഉദ്ഘാടനം ചെയ്തു. ദുആക്ക് നേതൃത്വം നല്‍കി. അബ്ദുറഹ്മാന്‍ പാറക്കല്‍ അധ്യക്ഷനായി. ഇമ്പിച്ചി കോയ തങ്ങള്‍ പ്രാര്‍ഥനക്കും മുസ്തഫ റഹ്മാനി ഖിറാഅത്തിനും നേതൃത്വം നല്‍കി. മഹല്ല് പ്രസിഡന്റ് അബ്ദുള്‍ ഖാദര്‍, അബു ഹാജി ആറ്റൂര്‍, ടി.എച്ച് ഉമര്‍ദാരിമി, വി.പി ഷാഹിദ്‌കോയ തങ്ങള്‍, ഷെഹീര്‍ ദേശമംഗലം, ബഷീര്‍ കല്ലേപ്പാടം, ടി.എസ് മമ്മി, പി.കെ അലി, കെ.എം ഉസ്മാന്‍ മുസ്‌ലിയാര്‍ സംസാരിച്ചു.