തൃപ്രയാര്‍: സംസ്ഥാന മാപ്പിളകലാ ഇന്‍സ്ട്രക്‌ടേഴ്‌സ് അസോസിയേഷന്‍ ജില്ലാ കമ്മിറ്റിയുടെ ആഭിമുഖ്യത്തില്‍ മാപ്പിളപ്പാട്ട് ഗായകന്‍ കെ.ജി സത്താര്‍ അനുസ്മരണവും പുരസ്‌കാര വിതരണവും തൃപ്രയാറില്‍ നടത്തി. കവിയും മാപ്പിളപ്പാട്ട് രചയിതാവുമായ ബക്കര്‍ മേത്തല അനുസ്മരണ ചടങ്ങ് ഉദ്ഘാടനം ചെയ്തു. മാധ്യമ പ്രവര്‍ത്തകന്‍ കെ.ഗിരീഷ് മുഖ്യപ്രഭാഷണം നടത്തി.
 കെ.ജി സത്താര്‍ പുരസ്‌കാരം അബ്ദുള്‍ റഷീദ് കൊടുങ്ങല്ലൂരിന് മാപ്പിളപ്പാട്ട് ഗായകന്‍ ബാപ്പുകട്ടില്‍ മലപ്പുറം സമ്മാനിച്ചു. അസോസിയേഷന്‍ ജില്ലാ പ്രസിഡന്റ് ഉമ്മര്‍ പഴുവില്‍ അധ്യക്ഷനായി. സംസ്ഥാന പ്രസിഡന്റ് മുസ്തഫ തണ്ണീര്‍ക്കോട്, മാപ്പിളപ്പാട്ട് ഗായകന്‍ കൊച്ചിന്‍ ഷെരീഫ്, കഴിമ്പ്രം കാദര്‍, റാഫി മതിലകം സംസാരിച്ചു. ഗായകനും സി.ബി.എസ്.ഇ പരീക്ഷയില്‍ മികച്ച വിജയം നേടിയ വിദ്യാര്‍ഥിയുമായ മിഷാല്‍ ജമാല്‍, ഷാജി മതിലകം, അബ്ദുള്‍ ഖാദര്‍ പാടൂര്‍ എന്നിവരെ ചടങ്ങില്‍ ഉപഹാരം നല്‍കി ആദരിച്ചു.