കൊല്ലം: യൂത്ത് കോണ്‍ഗ്രസ് സംസ്ഥാന പ്രസിഡന്റ് ഡീന്‍ കുര്യാക്കോസ് നയിക്കുന്ന യൂത്ത് മാര്‍ച്ചിന്റെ ഒരുക്കങ്ങള്‍ക്കായി കൊല്ലം അസംബ്ലിതല സ്വാഗത സംഘം രൂപീകരിച്ചു. യൂത്ത് മാര്‍ച്ചിന് കൊല്ലം അസംബ്ലി കമ്മിറ്റിയുടെ നേതൃത്വത്തില്‍ ആയിരം യുവാക്കളെ പങ്കെടുപ്പിക്കാനും വര്‍ണ്ണാഭമായ വരവേല്‍പ്പ് നല്‍കാനും യോഗം തീരുമാനിച്ചു. സ്വാഗതസംഘം രൂപീകരണയോഗം മുന്‍ ഡി.സി.സി പ്രസിഡന്റ്  പ്രതാപവര്‍മ്മ തമ്പാന്‍ ഉദ്ഘാടനം ചെയ്തു. അസംബ്ലി പ്രസിഡന്റ് വിഷ്ണു സുനില്‍ പന്തളം അധ്യക്ഷനായി. എസ്.ജെ പ്രേംരാജ്, പി.ആര്‍ പ്രതാപചന്ദ്രന്‍, ആര്‍. രമണന്‍, ബിജു ലൂക്കോസ്, ഇ .റഷീദ്, തുടങ്ങിയവര്‍ സംസാരിച്ചു.
പ്രതാപവര്‍മ്മ തമ്പാന്‍ മുഖ്യരക്ഷാധികാരിയായും, എ.കെ. ഹഫീസ്, സൂരജ് രവി, പ്രസാദ് നാണപ്പന്‍, ആര്‍. രമണന്‍, വിഷ്ണു കരുമാലില്‍ എന്നിവര്‍ രക്ഷാധികാരികളായുമുള്ള 101 അംഗ സ്വാഗതസംഘമാണ് രൂപീകരിച്ചത്.