കണ്ണൂര്‍: പര്‍ദ ധരിച്ചു വരുന്നവരെ വോട്ടു ചെയ്യാന്‍ അനുവദിക്കരുതെന്ന വിവാദ പ്രസ്താവനയുമായി സി.പി.എം കണ്ണൂര്‍ ജില്ലാ സെക്രട്ടറി എം.വി ജയരാജന്‍. വരിയില്‍ നില്‍ക്കുമ്പോള്‍ തന്നെ മുഖപടം മാറ്റണമെന്നും അങ്ങനെയെങ്കില്‍ കള്ളവോട്ട് തടയാനാവുമെന്നും ജയരാജന്‍ പറഞ്ഞു.

സി.സി.ടി.വിയില്‍ കൃത്യമായി മനസിലാക്കാന്‍ ക്യൂവില്‍ നില്‍ക്കുന്ന സ്ഥലത്തു നിന്ന് മാറ്റണം. അങ്ങനെ തെരഞ്ഞെടുപ്പ് നടത്താന്‍ തെരഞ്ഞെടുപ്പ് കമ്മിഷന്‍ തയ്യാറാണോ. മുഖം പൂര്‍ണമായി മറച്ചുകൊണ്ട് അവിടെ വോട്ടു ചെയ്യുന്നവരെ അതിന് അനുവദിക്കുമോ?- ഇതാണ് നാടിന് അറിയേണ്ടത്. അങ്ങനെ വന്നാല്‍ പുതിയങ്ങാടിയിലും പാമ്പുരിത്തിയിലും കള്ളവോട്ട് കുറയും. ഇങ്ങനെ വന്നാല്‍ എല്‍.ഡി.എഫിന്റെ വോട്ടു വര്‍ധിക്കും, യു.ഡി.എഫിന്റെ വോട്ടു കുറയും- എം.വി ജയരാജന്‍ പറഞ്ഞു.