എരുമപ്പെട്ടി: യുവകവി ആഷിഖ് കരിയന്നൂര്‍ രചിച്ച പുതിയ ഇരിപ്പിടങ്ങള്‍ എന്ന ആദ്യ കവിത സമാഹാരത്തിന്റെ പ്രകാശനം നടന്നു.
എരുമപ്പെട്ടി പ്രസിഡന്‍സി കോളജില്‍ നടന്ന  ചടങ്ങില്‍ എഴുത്തുകാരനും ഗിന്നസ് റേക്കോര്‍ഡ് ജേതാവുമായ സത്താര്‍ ആദൂര്‍  കവിത സമാഹാരത്തിന്റെ ആദ്യപ്രതി ആഷിഖിന്റെ ഗുരുനാഥന്‍ പി.പി..ദിനേശന് കൈമാറിക്കൊണ്ട് പ്രകാശന കര്‍മം നിര്‍വഹിച്ചു. വടക്കാഞ്ചേരി ബ്ലോക്ക് പഞ്ചായത്ത് പ്രസിഡന്റ് എസ്.ബസന്ത്‌ലാല്‍ അധ്യക്ഷനായി. പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍മാന്‍ എന്‍.കെ.കബീര്‍, പഞ്ചായത്ത് മെമ്പര്‍ വി.സി.ബിനോജ്, സി.പി.എം.ലോക്കല്‍ കമ്മറ്റി സെക്രട്ടറി കെ.എം.അഷറഫ്, മാധ്യമ പ്രവര്‍ത്തകന്‍ റഷീദ് എരുമപ്പെട്ടി തുടങ്ങിയവര്‍ പങ്കെടുത്തു. പുതുകാലത്തിന്റെ ആഘാതങ്ങളേയും ആകുലതകളേയും ചെറിയ വരികളില്‍ ഒതുക്കി സമകാലിക സംസ്‌കാരത്തേയും പ്രണയത്തേയും പ്രതിബാധിക്കുന്ന 16 കവിതകളാണ് പുസ്തകത്തിലുള്ളത്.