ജിദ്ദ: സഊദി യിലേക്ക് പ്രവേശിക്കുന്നതിന് യാത്രാ നിബന്ധനകളില്‍ മാറ്റം വരുത്തി.
ഇനി സഊദിയിൽ പ്രവേശിക്കാൻ പ്രവാസികൾക്ക് 72 മണിക്കൂറിനുള്ളില്‍ പി.സി.ആര്‍ ടെസ്റ്റ് നടത്തിയാല്‍ മതിയെന്ന് ജനറല്‍ അതോറിറ്റി ഓഫ് സിവില്‍ ഏവിയേഷന്‍ വിമാനക്കമ്പനികളെ വെള്ളിയാഴ്‍ച്ച അറിയിപ്പുകള്‍ പ്രകാരം യാത്രക്കാര്‍ക്ക് കൂടുതല്‍ ഇളവുകള്‍ പ്രഖ്യാപിച്ചത്.സുരക്ഷയില്‍ വിട്ടുവീഴ്‍ച ചെയ്യാതെ യാത്രക്കാരുടെ പ്രയാസം പരമാവധി കുറയ്ക്കാന്‍ ലക്ഷ്യമിട്ടാണ്പുതിയ തീരുമാനം.

ഇത് വരെ 48 മണിക്കൂറിനുള്ളില്‍ നടത്തിയ പി.സി.ആര്‍ ടെസ്റ്റ് വേണമെന്നായിരുന്നു നിബന്ധന
സഊദിയിലേക്ക് വരുന്ന എല്ലാ വിദേശ പൗരന്മാരും 72 മണിക്കൂറിനുള്ളില്‍ നടത്തിയ കൊവിഡ് പി.സി.ആര്‍ നെഗറ്റീവ് സര്‍ട്ടിഫിക്കറ്റ് ആണ് ഹാജറാക്കേണ്ടതെന്നും എട്ട് വയസ്സിന് താഴെയുള്ളവര്‍ക്ക് സര്‍ട്ടിഫിക്കറ്റ് ആവശ്യമില്ലെന്നുമാണ് സിവില്‍ ഏവിയേഷന്‍ അറിയിപ്പ് നല്‍കിയിരിക്കുന്നത്.

അംഗീകൃത ലാബുകളില്‍ നിന്ന് പി.സി.ആര്‍ കൊവിഡ് പരിശോധന നടത്തി രോഗമില്ലെന്ന് തെളിയിക്കുന്ന സര്‍ട്ടിഫിക്കറ്റാണ് വരുന്ന പ്രവാസികള്‍ ഹാജറാക്കേണ്ടത്.