പുതുക്കാട്: ഫോണില്‍ വിളിച്ച് ആവശ്യപ്പെടുന്നവര്‍ക്ക് നിരോധിച്ച  പാന്‍മസാല ഉത്പന്നങ്ങള്‍ കൊണ്ടുനടന്നു വില്‍ക്കുന്ന വില്‍പ്പനക്കാരന്‍ പിടിയില്‍. പോങ്കോത്ര കൂവപ്പറമ്പില്‍ രാജേഷാണ്(35) പൊലിസിന്റെ പിടിയിലായത്.
 ഇയാളില്‍ നിന്ന് 1080 പായ്ക്കറ്റ് പുകയില ഉത്പന്നങ്ങള്‍ പിടിച്ചെടുത്തു. നിരോധിച്ച പുകയില ഉത്പന്നങ്ങള്‍ തമിഴ്‌നാട്ടിലെ പൊള്ളാച്ചിയില്‍ നിന്ന് കൊണ്ടു വരുന്നതിനിടെ പുതുക്കാട് ജങ് ഷനില്‍ വില്‍പന നടത്തുന്നതിനിടെയാണ് ഇയാള്‍ അറസ്റ്റിലായത്. ഇയാള്‍ മൊത്ത വില്‍പ്പനയും നടത്തുന്നതായി പൊലീസ് പറഞ്ഞു.
കടകളില്‍ പൊലിസ് റെയ്ഡ് വ്യാപകമായതോടെയാണ് ഇപ്പോള്‍ കൊണ്ടുനടന്നു വില്‍പ്പന നടത്തുന്നത്.
പുതുക്കാട് എസ്.ഐ വി. സജീഷ് കുമാര്‍, എഎസ്‌ഐ പി.ആര്‍. ഡേവിസ്, സിപിഒമാരായ ഉണ്ണികൃഷ്ണന്‍, ജിജോ എന്നിവരടങ്ങിയ സംഘമാണ് പ്രതിയെ പിടികൂടിയത്.