മാളിക്കുന്ന്: ശിഹാബ് തങ്ങള്‍ റിലീഫ് സെല്‍ കമ്മറ്റി നടത്തുന്ന കുടി വെള്ള വിതരണം നാട്ടുകാര്‍ക്ക് അനുഗ്രഹമാവുന്നു. ആഴ്ച്ചയില്‍ മൂന്ന് ദിവസങ്ങളിലായി മാളിക്കുന്ന്, കമ്പനിപ്പടി, ചെറിയ മാളിക്കുന്ന് , മറ്റ് പരിസര പ്രദേശങ്ങളിലൂടെ5000 ലിറ്റര്‍ വെള്ളമാണ് കൊടുക്കുന്നത്.
പ്രദേശത്ത്കു ടിവെള്ള ക്ഷാമം നേരിടാന്‍ തുടങ്ങിയപ്പോള്‍ മുതല്‍ തന്നെ മാളിക്കുന്ന് ഷിഹാബ് തങ്ങള്‍ റിലീഫ് സെല്‍ കമ്മറ്റി ഇടപെട്ടുകൊണ്ട് ഒരു മാസത്തിലേറെയായി കുടിവെള്ള വിതരണം നടത്തി വരികയാണ്. അതിന് വേണ്ടി വാഹനവും ടാങ്കുകളും അഷറഫ് വട്ടത്തൊടിയാണ് വിട്ടുനല്‍കിയിട്ടുള്ളത്.
അഷ്‌റഫ് വട്ടത്തൊടി, കോണിക്കല്‍ അലി ഹാജി ഷാഫി എന്നിവരുടെ കിണറ്റില്‍നിന്നാണ് ഇതുവരെ വെള്ളം എടുത്തു കൊണ്ടിരിക്കുന്നത്. റിലീഫ് സെല്‍ പ്രവര്‍ത്തകരായ റിംഷാദ്, ഷിഹാബ്, റംഷിദ്, ഷഫീഖ്, സിറാജ്, സനൂപ്, അബു ജാഫര്‍ റിലീഫ് സെല്‍ പ്രവര്‍ത്തകരായ ഒരു പറ്റം യുവാക്കളുടെ കഠിന പ്രയത്‌നമാണ് ഈ കുടിവെള്ള വിതരണത്തിന് മുതല്‍കൂട്ടാവുന്നത്. അതോടൊപ്പം മാളിക്കുന്നിലെ ഒരു കൂട്ടം പ്രവാസി സുഹൃത്തുക്കളുടെ സഹായവും റിലീഫ് സെല്‍ കമ്മഎറ്റിക്ക് ലഭിക്കുന്നുണ്ട്.