പാലക്കാട്: ജൈവവൈവിധ്യ ബോര്‍ഡും കെഎസ്ആര്‍ടിസിയും സംയുക്തമായി സംഘടിപ്പിക്കുന്ന ജൈവവൈവിധ്യരഥം കഴിഞ്ഞ 18 മുതല്‍ ജില്ലയിലെ സ്‌കൂളുകളില്‍ പരിസ്ഥിതി സന്ദേശവുമായി ചുറ്റി സഞ്ചരിക്കുന്നു. 2016 ജനുവരി 13 ആരംഭിച്ച ജൈവവൈവിധ്യരഥമാണ് ഇന്നലെ ടൗണ്‍ ഹാളില്‍ പ്രദര്‍ശനം ഒരുക്കിയിരിക്കുന്നത്. ഓരോ ജില്ലയിലും എത്തുമ്പോള്‍ അതാത് പ്രദേശത്തെ ജൈവവൈവിധ്യബോര്‍ഡ് ഫാക്കല്‍റ്റികളാണ് സന്ദേശത്തിന്റെ പ്രാധാന്യം ചൂണ്ടിക്കാട്ടി വിദ്യാര്‍ത്ഥികള്‍ക്കുംപൊതുജനങ്ങള്‍ക്കും ബോധവല്‍ക്കരണം നല്‍കുന്നത്.