കാസര്‍കോട്: ബേക്കല്‍ ഫോര്‍ട്ട് ലയണ്‍സ് ക്ലബ് ബേക്കല്‍ ബീച്ച് പാര്‍ക്കില്‍ സംഘടിപ്പിച്ച അന്താരാഷ്ട്ര പട്ടം പറത്തല്‍ മേളയ്ക്ക് ആകാശ ദീപക്കാഴ്ചയോടെ സമാപനം. മേളയ്ക്കു സമാപനം കുറിച്ചു നടന്ന സമ്മേളനം ജില്ലാ കലക്ടര്‍ കെ. ജീവന്‍ ബാബു ഉദ്ഘാടനം ചെയ്തു. പ്രസിഡന്റ് സി. ഖാലിദ് പാലക്കി അധ്യക്ഷനായി. അരവിന്ദന്‍ മാണിക്കോത്ത്, കെ.ഇ.എ ബക്കര്‍, മൂസാശരീഫ്, സാം ജോസഫ് സംസാരിച്ചു. സമാപന ദിവസമായ ഇന്നലെ ആര്‍മ്ഡ് ബറ്റാലിയന്‍ ഡി.ഐ.ജി പി. പ്രകാശ് അടക്കമുള്ളവര്‍ പട്ടം പറത്തല്‍ മേളയില്‍ പങ്കെടുത്തു. സന്ധ്യയോടെ സംഗീതനിശയും അരങ്ങേറി.