ന്യൂഡല്‍ഹി: നടന്‍ സുശാന്ത് സിങ് രജ്പുതിന്റെ മരണം കൊലപാതകമാണെന്ന ആരോപണം തള്ളി എയിംസിലെ ഫൊറന്‍സിക് വിഭാഗം റിപ്പോര്‍ട്ട് നല്‍കിയതായി ദേശീയ മാധ്യമങ്ങള്‍.

സെപ്റ്റംബര്‍ 29-നാണ് എയിംസിലെ ഡോക്ടര്‍മാരുടെ സമിതി വിശദമായ റിപ്പോര്‍ട്ട് സി.ബി.ഐയ്ക്ക് സമര്‍പ്പിച്ചത്. നേരത്തെ സുശാന്തിന്റെ പോസ്റ്റുമോര്‍ട്ടം നടത്തിയ കൂപ്പര്‍ ആശുപത്രിയുടെ കണ്ടെത്തലുകള്‍ക്ക് സമാനമായിരുന്നു എയിംസിലെ ഡോക്ടര്‍മാരുടെ റിപ്പോര്‍ട്ടും. ഇതോടൊപ്പെം സാഹചര്യത്തെളിവുകളും ആത്മഹത്യയാണെന്നാണ് ചൂണ്ടിക്കാണിക്കുന്നതെന്നും മറ്റു ദുരൂഹതകളില്ലെന്നും റിപ്പോര്‍ട്ടിലുണ്ട്.

ഫൊറന്‍സിക് റിപ്പോര്‍ട്ടിലെ വിവരങ്ങള്‍ വിശദമായി പരിശോധിച്ച ശേഷമാകും സി.ബി.ഐ ഇനി തുടര്‍നടപടികള്‍ സ്വീകരിക്കുക.