ന്യൂഡല്‍ഹി: കേരളത്തിലെ നാലു സാശ്രയ മെഡിക്കല്‍ കോളജുകളിലേക്കുള്ള പ്രവേശനത്തില്‍ അനിശ്ചിതത്വം തുടരുന്നു. പ്രവേശനം സംബന്ധിച്ച്  മെഡിക്കല്‍ കൗണ്‍സില്‍ ഓഫ് ഇന്ത്യയുടെ ഹരജി പരിഗണിക്കുന്നത് സുപ്രിംകോടതി ബുധനാഴ്ചത്തേക്കു മാറ്റി. പ്രവേശനത്തിനുള്ള സ്റ്റേ  തുടരും.

നാല് മെഡിക്കല്‍ കോളജുകളും എല്ലാ രേഖകളും സമര്‍പ്പിക്കണമെന്ന് കോടതി നിര്‍ദ്ദേശിച്ചു. കേസില്‍ വേഗം തീരുമാനമെടുക്കണമെന്ന സംസ്ഥാനസര്‍ക്കാറിന്റെ വാദം കോടതി അംഗീകരിച്ചില്ല.

വയനാട് ഡി.എം മെഡിക്കല്‍ കോളേജ്, തൊടുപുഴ അല്‍ അസര്‍ മെഡിക്കല്‍ കോളേജ്, പാലക്കാട് പി.കെ. ദാസ് മെഡിക്കല്‍ കോളേജ്, വര്‍ക്കല എസ്.ആര്‍ എന്നീ മെഡിക്കല്‍ കോളേജുകളിലെ 550 സീറ്റിലേക്കുള്ള പ്രവേശനമാണ് അനിശ്ചിതമായി നീളുന്നത്.