പെരിങ്ങത്തൂര്‍: പെരിങ്ങത്തൂര്‍ ജുമുഅത്ത് പള്ളി മഹല്ല് ജമാഅത്ത് ദര്‍സ് വാര്‍ഷികവും മത വിജ്ഞാന സദസും ശംസുല്‍ ഉലമ നഗരിയില്‍ തുടങ്ങി.  
മഹല്ല് പ്രസിഡന്റ് കുറുവാളി മമ്മു ഹാജിയുടെ അധ്യക്ഷതയില്‍ സമസ്ത കേരള ജംയ്യത്തുല്‍ ഉലമ സെക്രട്ടറി  പി.പി ഉമര്‍ മുസ്‌ലിയാര്‍ ഉദ്ഘാടനം ചെയ്തു. ടി.കെ ഉമ്മര്‍ മുസ്‌ലിയാര്‍ പ്രാര്‍ഥനയ്ക്ക് നേതൃത്വം നല്‍കി. അമീന്‍ വയനാട് പ്രഭാഷണം നടത്തി.
മുഹമ്മദ് ബാഖവി പാലത്തുങ്കര, അബൂബക്കര്‍ ഫൈസി, ടി.കെ ഹനീഫ്, സുബൈര്‍ പറമ്പത്ത്,കെ.കെ അഹമദ് ഹാജി, സൈനുദ്ദീന്‍ തങ്ങള്‍, കുന്നോത്ത് അസീസ്, എന്‍.കെ മുസ്തഫ, റിയാസ് ആദു,ഷൗക്കത്ത്, അദ്‌നാന്‍ സംസാരിച്ചു.
ഇന്ന് രാവിലെ 10ന് മുഅല്ലിം സംഗമം നടക്കും. രാത്രി ഏഴിനു നടക്കുന്ന മതപ്രഭാഷണം റഫീഖ് സക്കരിയ ഫൈസി ഉദ്ഘാടനം ചെയ്യും. മുഹമ്മദ് ബാഖവി പ്രാര്‍ഥനയ്ക്ക് നേതൃത്വം നല്‍കും. യൂനുസ് ഹുദവി പ്രഭാഷണം നടത്തും.
നാളെ  നടക്കുന്ന സമാപന സമ്മേളനം സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് പ്രസിഡന്റ് പി.കെ.പി അബ്ദുസലാം മുസ്‌ലിയാര്‍ ഉദ്ഘാടനം ചെയ്യും.
സയ്യിദ് സ്വഫ്‌വാന്‍ തങ്ങള്‍ ഏഴിമല, അബ്ദുല്‍ ഫത്താഹ് ദാരിമി, മൊയ്തു നിസാമി, അബൂബക്കര്‍ ഫൈസി പങ്കെടുക്കും.