പയ്യന്നൂര്‍:പ്ലാസ്റ്റിക് ഉള്‍പ്പടെയുള്ള മാലിന്യങ്ങള്‍ ഇനിമുതല്‍ റോഡരികിലും പൊതു സ്ഥലങ്ങളിലും വലിച്ചെറിയുന്നത് പയ്യന്നൂര്‍ നഗരസഭാ പരിധിയില്‍ കര്‍ശനമായി നിരോധിച്ചു.
ഇതോടെ മാലിന്യങ്ങള്‍ അലക്ഷ്യമായി വലിച്ചെറിയുന്നത് പിടിക്കപ്പെട്ടാല്‍ തക്കതായ ശിക്ഷ ലഭിക്കുമെന്ന് ഉറപ്പായി. ഇത്തരക്കാരെ പിടികൂടിയാല്‍ പിഴ, പ്രോസിക്യൂഷന്‍ ഉള്‍പ്പടെയുള്ള നിയമ നടപടികള്‍ നേരിടേണ്ടിവരുമെന്ന് നഗരസഭാ സെക്രട്ടറി അറിയിച്ചു.
    നഗരസഭാ പരിധിയില്‍ നേരത്തെ തന്നെ 51 മൈക്രോണില്‍ താഴെയുള്ള പ്ലാസ്റ്റിക്കുകളുടെ ഉപയോഗവും വില്‍പനയും നിരോധിച്ചിരുന്നു. പയ്യന്നൂര്‍ നഗരത്തെ സമ്പൂര്‍ണ പ്ലാസ്റ്റിക് നിരോധിത നഗരമാക്കി മാറ്റുന്നതിന്റെ ഭാഗമായാണ് നടപടികള്‍. വ്യാപാര സ്ഥാപനങ്ങള്‍, ഹോട്ടലുകള്‍ എന്നിവിടങ്ങളില്‍ നിലവില്‍ പ്ലാസ്റ്റിക്  ഉപയോഗം ഒഴിവാക്കിയിട്ടുണ്ട്.
   നഗരസഭാ പരിധിയില്‍ 51 മൈക്രോണില്‍ മുകളിലുള്ള ഉല്‍പ്പന്നങ്ങളുടെ രജിസ്റ്റര്‍ ചെയ്യാതെയുള്ള വിപണനത്തിനും ഉപയോഗത്തിനും കേന്ദ്രസര്‍ക്കാറിന്റെ നിയമവും നഗരസഭാ ബൈലൊയും പ്രകാരം നിരോധനമുണ്ടെന്നും സെക്രട്ടറി അറിയിച്ചിട്ടുണ്ട്.