ഫറോക്ക്: കരുണ വെല്‍ഫെയര്‍ സൊസൈറ്റി റഹ്മാന്‍ ബസാറിന്റെ ആഭിമുഖ്യത്തില്‍ അബ്ദുറഹിമാന്‍ പാര്‍ക്കില്‍ സംഘടിപ്പിച്ച കുടുംബ സംഗമവും വാര്‍ഷികവും എം.കെ.രാഘവന്‍ എം.പി ഉദ്ഘാടനം ചെയ്തു. കരുണ വെല്‍ഫെയര്‍ സൊസൈറ്റി പ്രസിഡന്റ് എം. സുധീര്‍ അധ്യക്ഷനായി. ജമാഅത്തെ ഇസ്‌ലാമി സംസ്ഥാന ജനറല്‍ സെക്രട്ടറി എം.കെ മുഹമ്മദലി മുഖ്യപ്രഭാഷണവും നടത്തി. പരിപാടിയില്‍ ശ്രീജിത്ത് വിയ്യൂരിന്റെ മാജിക് ഷോയും അരങ്ങേറി. കൗണ്‍സിലര്‍മാരായ  എം. മൊയ്തീന്‍, എം. കുഞ്ഞാമുട്ടി, പി.കെ പാറക്കടവ്, കരുണ ഹെല്‍പ്പ് ലൈന്‍ ജനറല്‍ സെക്രട്ടറി വി.പി റഹിം സംസാരിച്ചു. പ്രോഗ്രാം കണ്‍വീനര്‍ ബിന്ദു മോഹന്‍ സ്വാഗതവും കരുണ വെല്‍ഫെയര്‍ സെക്രട്ടറി വി.പി ബഷീര്‍ നന്ദിയും പറഞ്ഞു.