മുക്കം: മുക്കം അരീക്കോട് റോഡിലെ ഓടത്തെരുവില്‍ കാറും ബൈക്കും കൂട്ടിയിടിച്ചു.
ഇന്നലെ വൈകിട്ട് ആറിനാണ് സംഭവം. അരീക്കോട് ഭാഗത്തു നിന്ന് വരികയായിരുന്ന നാനോ കാര്‍ ഓടത്തെരുവ് വളവില്‍ വച്ച് മുന്നിലെ വാഹനത്തെ മറികടക്കുന്നതിനിടെ ബൈക്കിലിടിക്കുകയായിരുന്നു.
അപകടത്തില്‍ സാരമായി പരുക്കേറ്റ കാര്‍ യാത്രക്കാരായ അരീക്കോട് കാവന്നൂര്‍ സ്വദേശികളായ സന്ദീപ്, അഭിലാഷ്, അബ്ദുറഹ്മാന്‍ എന്നിവരെ കെ.എം.സി.ടി മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. കാര്‍ മുക്കം പൊലിസ് കസ്റ്റഡിയിലെടുത്തു. അപകടത്തെ തുടര്‍ന്ന് സംസ്ഥാന പാതയില്‍ ഗതാഗത തടസമുണ്ടായി.