കോഴിക്കോട്: മാനാഞ്ചിറയില്‍ മത്സ്യങ്ങള്‍ ചത്തു പൊങ്ങിയതിനാല്‍ നിര്‍ത്തിവച്ചിരുന്ന ജലവിതരണം ഇന്ന് ആരംഭിക്കും. മത്സ്യങ്ങള്‍ ചത്തു പൊങ്ങിയത് ജലമലിനീകരണം കൊണ്ടല്ലെന്നാണ് ജലവിഭവ വികസന കേന്ദ്രത്തിന്റെ (ഇണഞഉങ) പരിശോധനാ റിപ്പോര്‍ട്ടില്‍ പറയുന്നത്. തുടര്‍ന്ന് ജലത്തില്‍ പി.എച്ചിന്റെയും ബാക്ടീരിയുടെയും അളവിലുള്ള വര്‍ധനവ് കാരണം ജലവിതരണം ക്ലോറിനേഷനു ശേഷം നടത്താന്‍ തീരുമാനിക്കുകയായിരുന്നു.
കോര്‍പറേഷന്‍ ആരോഗ്യവിഭാഗം മേധാവി ഡോ. ഗോപകുമാറിന്റെ നേതൃത്വത്തില്‍ കഴിഞ്ഞ ദിവസം ക്ലോറിനേഷന്‍ പൂര്‍ത്തീകരിച്ചിട്ടുണ്ട്. സെന്‍ട്രല്‍ മറൈന്‍ ഫിഷറീസ് റിസര്‍ച്ച് ഇന്‍സ്റ്റിറ്റ്യൂട്ടിന്റെ പരിശോധന റിപ്പോര്‍ട്ട് ആറു ദിവസത്തിനകം ലഭിക്കും. കഴിഞ്ഞ ചൊവ്വാഴ്ചയാണ് മാനാഞ്ചിറയില്‍ മത്സ്യങ്ങള്‍ ചത്തു പൊങ്ങിയത് ശ്രദ്ധയില്‍പ്പെട്ടത്.