കോഴിക്കോട്: എങ്ങനെ നീ മറക്കും കുയിലേ... മലബാര്‍ സൈഗാള്‍ എന്നു വിശേഷിപ്പിക്കുന്ന കോഴിക്കോട് അബ്ദുല്‍ ഖാദറിനെ ഓര്‍ത്ത് നഗരം. അദ്ദേഹത്തിന്റെ 40-ാം ചരമ വാര്‍ഷികത്തിന്റെ ഭാഗമായി ലെജന്റ്‌സ് മ്യൂസിക്കിന്റെ ആഭിമുഖ്യത്തിലായിരുന്നു അനുസ്മരണം സംഘടിപ്പിച്ചത്.
അബ്ദുല്‍ ഖാദറിന്റെ മക്കളും പേരമക്കളും അദ്ദേഹത്തിന്റെ പാട്ടുകള്‍ക്ക് ശബ്ദം നല്‍കിയപ്പോള്‍ നഗരം വീണ്ടും അനശ്വര ഗായകന്റെ ഓര്‍മകളിലൂടെ സഞ്ചരിക്കുകയായിരുന്നു.
ടൗണ്‍ ഹാളില്‍ നടന്ന പരിപാടി പി.വി ഗംഗാധരന്‍ ഉദ്ഘാടനം ചെയ്തു. ബാബുരാജ് അധ്യക്ഷനായി. കെ. സലാം, ബീരാന്‍ കല്‍പുറത്ത്, വില്‍സണ്‍ സാമുവല്‍, മണികണ്ഠന്‍ തറാല്‍, കെ. സുബൈര്‍, സി.എം വാടിയല്‍ സംസാരിച്ചു. രാജന്‍ കളരിക്കല്‍ സ്വാഗതവും നാദിറ ഫൈസല്‍ നന്ദിയും പറഞ്ഞു.