കോഴിക്കോട്: സഊദി കെ.എം.സി.സി പ്രഥമ സി. ഹാഷിം സാഹിബ് പുരസ്‌കാരം ചരിത്രകാരന്‍ എം.ഐ തങ്ങള്‍ക്ക്. ഒരുലക്ഷം രൂപയും ഫലകവും അടങ്ങുന്നതാണ് പുരസ്‌കാരം.
റഹ്മാന്‍ തായിലങ്ങാടി, പി.കെ മുഹമ്മദ് എന്ന മാനു, പി.എ റഷീദ് എന്നിവരാണ് ജൂറി അംഗങ്ങള്‍. ഈ മാസം 23ന് രാവിലെ പത്തിന് പാണക്കാട് നടക്കുന്ന ചടങ്ങില്‍ സയ്യിദ് ഹൈദരലി ശിഹാബ് തങ്ങള്‍ പുരസ്‌കാരം സമര്‍പ്പിക്കും. സയ്യിദ് സാദിഖലി ശിഹാബ് തങ്ങള്‍, പി.കെ കുഞ്ഞാലിക്കുട്ടി എം.പി, പി.വി അബ്ദുല്‍ വഹാബ് എം.പി, കെ.പി.എ മജീദ് തുടങ്ങിയവര്‍ സംബന്ധിക്കും.