കൊണ്ടോട്ടി: ഹജ്ജിന് മെഹ്‌റം സീറ്റിലേക്ക് അപേക്ഷിച്ചവരില്‍ കേരളത്തില്‍ നിന്ന് 55 പേര്‍ക്ക് അവസരം. 500 മെഹ്‌റം സീറ്റുകളിലേക്കാണ് ഇന്ത്യയില്‍ ഈ വര്‍ഷം ഹജ്ജിന് അപേക്ഷ ക്ഷണിച്ചിരുന്നത്.

ഇതിലേക്കായി 937 അപേക്ഷകളാണ് ലഭിച്ചത്. ഇവരില്‍ നിന്ന് നറുക്കെടുത്താണ് 500 പേരെ തിരഞ്ഞെടുത്തത്. വിവരങ്ങള്‍ കേന്ദ്ര ഹജ്ജ് കമ്മിറ്റിയുടെ വെബ്‌സൈറ്റില്‍ ലഭ്യമാണ്. 81 പേര്‍ക്ക് അവസരം കൈവന്ന മഹാരാഷ്ട്രക്കാണ് കൂടുതല്‍ സീറ്റുകള്‍. ഉത്തര്‍പ്രദേശില്‍ 49 പേര്‍ക്കും ഗുജറാത്തില്‍ 36 പേര്‍ക്കും അവസരം ലഭിച്ചു. പുരുഷന്മാര്‍ ഈ വര്‍ഷം ഹജ്ജിന് തിരഞ്ഞെടുക്കപ്പെടുകയും പിന്നീട് മെഹ്‌റമില്ലാതെ ഹജ്ജിന് പോകാന്‍ കഴിയാത്ത അവസ്ഥയുള്ള സ്ത്രീകള്‍ക്കാണ് മെഹ്‌റം സീറ്റില്‍ അവസരം നല്‍കുന്നത്.