കരുളായി: റെയ്ഞ്ചിനു കീഴിലുള്ള ആദിവാസി കോളനികളിലെ യുവജനങ്ങളെ സര്‍ക്കാര്‍ ജോലിക്ക് പ്രാപ്തരാക്കുന്നതിനായി നെടുംങ്കയത്ത് പി.എസ്.സി കോച്ചിംഗ് ക്യാംപ് ആരംഭിച്ചു.
സ്‌റ്റേറ്റ് ബാങ്ക് ഓഫ് ഇന്ത്യയുടെ സഹകരണത്തോടെ വനം വകുപ്പാണ് പി.എസ്.സി പരീക്ഷാ പരിശീലന ക്യാംപ് നടത്തുന്നത്. നെടുങ്കയം അമിനിറ്റി സെന്ററില്‍ നടക്കുന്ന പരിശീലന ക്യാംപ് കരുളായി പഞ്ചായത്ത് പ്രസിഡന്റ് വി.അസൈനാര്‍ ഉദ്ഘാടനം ചെയ്തു.
50 ദിവസമാണ് തീവ്ര പരിശീലനം നടക്കുന്നത്. റെയ്ഞ്ച് ഓഫീസര്‍ കെ.അഷ്‌റഫ് അധ്യക്ഷനായി. കോഴിക്കോട് പ്ലാനിറ്റോറിയം ഡയറക്ടര്‍ വി.എസ് രാമചന്ദ്രന്‍, മദര്‍ ഇന്ത്യ ഡയറക്ടര്‍ പ്രെഫ. വര്‍ഗീസ് മാത്യു, എസ്.ഐ എ. സദാശിവന്‍, കെ.മനോജ്, ഡെപ്യൂട്ടി റേഞ്ചര്‍ കെ.വി ബിജു സംസാരിച്ചു. അന്‍പതോളം ഉദ്യോഗാര്‍ഥികള്‍ ക്ലാസില്‍ രജിസ്റ്റര്‍ ചെയ്തു.